10 Most Commonly Used Filipino Words (Valentines Edition)

14709706-cupids-stock-vector-cupid-love-angel

Tandaan mo palagi na salita lang ang dapat bigyan ng meaning at hindi ‘yong mga sweet na bagay na ginagawa niya para sayo. Hindi mo alam baka kasi ganoon lang talaga siya o sadyang paasa lang siya. Sino bang lugi? Eh di ikaw na paniwalang-paniwala. Huwag ka mag-aalala, ang mga susunod na makikita mo ay hindi ka paaasahin.

  1. Sawi- kung isasalin sa wikang Ingles, ito ang tawag sa mga taong broken hearted dahil sinaktan, iniwan, pinaasa, ni-reject, etc.

    Hal. Si Richard ay sawi sa pag-ibig dahil iba pala ang mahal ng taong mahal niya.

  2. Banat- ito ay tinatawag din na hirit. Kadalasan, ito ay mga salitang nakakakilig.

    Hal. Ang banat niyang “Hindi ka ba nalulungkot? Mag-isa ka lang kasi eh. Mag-isa ka lang kasi sa puso ko” ay nagpakilig sa buong madla nang sabihin niya ito sa harap ni Mila.

  3. Sorpresa- mga bagay o pangyayaring hindi mo inaasahang ibibigay o ipaparanas sa iyo.

    Hal. Siya ay labis na natuwa sa sorpresang inihanda ng kanyang asawa.

  4. Regalo- bagay na ibinibigay mo sa isang tao.

    Hal. Nagbigay ng regalo si Rex sa kanyang iniirog noong Araw ng mga Puso.

  5. Tsokolate- isang matamis na uri ng pagkain.

    Hal. Bumili ng tsokolate si Via dahil alam niyang walang magbibigay sa kanya nito sa Araw ng mga Puso.

  6. Makalimot- ang salin nito sa wikang Ingles ay “move on”.

    Hal. Siya ay hirap na makalimot sa kanyang dating kasintahan dahil mahal niya ito higit pa sa kanyang sarili.

  7. Manloloko- tawag sa taong sinaktan ka dahil pinaniwala ka sa bagay na hindi pala kayang panindigan.
    Hal. “Sino itong ka-i love you-han mo sa text? Akala ko ba ako lang? Manloloko ka
    talaga!”, sabi ni Sara sa kanyang nobyo.
  8. Paasa- tawag sa mga taong nagpapakita ng motibo o pagmamahal kahit hindi niya naman ito mahal o gusto.
    Hal. Si Carl ay kilala bilang “paasa ng mga babae”. Pagkatapos ka niyang pakiligin, iiwan ka nalang bigla sa ere na parang wala ka lang sa kanya.
  9. Mahal kita- sa wikang Ingles, ito ay nangangahulugang I love you. Ito ang sinasabi mo sa taong nagpapatibok ng puso mo.

    Hal. Sinabihan niya si Jack ng “mahal kita” pagkatapos nitong mag-propose sa kanya.

  10. Salamat- sa wikang Ingles, ito ay nangangahulugang Thank you.
    Hal. Pinapasabi niya nga pala sayo na salamat sapagkat dahil sa sakit na dinulot mo sa kanya ay mas naging matatag siya at mas minahal niya ang kanyang sarili higit pa sa iba.
    *Para sa mga taken, inspired, in love- magpasalamat dahil may taong nagpapasaya at nagmamahal sa iyo.
    *Para sa mga single, iniwan, pinaasa, pinagpalit, o all of the above- magpasalamat pa din. Magpasalamat ka kay Lord dahil buhay ka pa. Huwag kang mag-inarte diyan kaya mo yan.

 

Watch This Video so that you know how to use some of these words.

PS: Akala ko baliktad ‘yong mga nakasulat sa papel dahil iyon ang lumalabas habang ako’y nagrerecord. Akala ko baliktad, hindi pala. Parang ‘yong akala ko lang na mahal mo ako hayun pala hindi. Panoorin mo ito para alam mo ‘yong mga sinasabi ko. Thank you!

Advertisements